Во период од 15 ноември до 15 декември 2009 година спроведен е мониторинг на медиуми со фокус врз теми кои се поврзани со проблемот на дроги, корисници или зависници од дроги и поспецифично со проблемот и употребата на амфетамини. Во овој период мониторирани се речиси сите дневни печатени медиуми кои се издаваат во Република Македонија и тоа: Дневник, Утрински весник, Вест, Шпиц, Време, Нова Македонија, Вечер, потоа четири интернет страници (новински и интернет страни на медиумски агенции) и тоа: Инпрес, Нетпрес, Макфакс, Кирилица и  два електронски медиума: телевизија А1 и Канал 5 телевизија вклучително и нивните официјални веб страници. Овие медиуми се избрани поради нивното посериозно третирање и бавење со теми поврзани со проблемот на дрогите и употребата на дроги, како и постоењето на одделни рубрики и новинари кои се специјализирани за здравство. За повеќе информации види Додатокот.