Меѓународниот институт за здравствена грижа и здравствено осигурување (IHHII) е невладина организација основана 2001 година, со главна мисија да помага за подобрување на менаџементот и работата на здравствениот систем во Бугарија преку собирање, анализа и размена на информации, знаење и искуство.

Мисија

Институтот и сите негови членови работат кон креирање на одржлив и сигурен центар за здравствено информирање, анализи, предвидувања, стратегии и тактики во областа на менаџментот, економијата, организацијата, функционирањето, деловната администрација и гарантирањето на квалитетот на здравствените услуги и здравственото осигурување. Една од целите на организацијата е да го подобри координирањето и соработката помеѓу поединците кои даваат здравствени услуги, здравствените институции, претставници на здравствените и фармацевтски индустрии, медицинските училишта, невладиниот сектор, медиумите и странските партнери.

Стручноста на IHHII ги опфаќа следните области:

• Познавање на реформите во здравствениот сектор во Југоисточна Европа;
• Управување со квалитетот во болнички организации;
• Дизајнирање, развој и достава на програми за обука на здравствени и медицински стручни лица;
• Здравствени информации и технологија;
• Промоција на здравството и овозможување пристап до здравствени услуги;
• Здравствени комуникации.

Национални / Меѓународни активности:

• Развој, менаџмент, имплементација, надгледување и евалуација на национални и меѓународни проекти и програми;
• Развој и достава на информатички технологии за здравството;
• Промотивни и информативни активности;
• Бизнис интелигенција;
• Размена на информации, знаења и искуства помеѓу земјите членки и земјите кандидати на ЕУ за прашања поврзани со здравството;
• Научни и применети анализи, документи и советување;
• Обуки, тековни квалификации и специјализации на поединци и организации;
• Креирање и одржување на здравствен портал (http://www.zdrave.net/) кој дава пристап до новости поврзани со здравството од дома и надвор, извештаи, статистики, анализи, прогнози, коментари и мислења, закони, регистри, медицински библиотеки и други релевантни информации корисни за професионалци.
• Организација на меѓународни и национални здравствени конференции и форуми.