Фондацијата Иницијатива за здравје (Initiative for Health Foundation – IHF) е невладина организација формирана на крајот од 1997 година, од неколку лица професионалци на полето на дрогата. Главната цел на организацијата е да му помогне на општеството да изнајде соодветен одговор на феноменот на дрогата и да разработи широк дијапазон на услуги и активности за поддршка на корисниците на дрога.

Главните активности на Иницијативата за Здравје се насочени кон намалување на здравствените и социјални штети, предизвикани од употребата на дрога; превенција на ХИВ/СИДА кај корисниците на дрога кои не се лекуваат од зависност и кај ранливите групи, од типот на сексуалните работници и ромското население; обука на професионалци и волонтери за превенција на ХИВ/СИДА кај корисниците на дрога; истражувачки проекти во областа на употребата на дрога и ХИВ; напори за заложување за ефективни политики.

Од 1998 па наваму организацијата има теренска програма за превенција на ХИВ и други крвно преносливи инфекции помеѓу интравенозните корисници на дрога кои не се дел од третманите за лекување, и од 2001 па наваму помеѓу сексуалните работници. Во 2003 година, Иницијатива за Здравје го отвори првиот дроп-ин центар за корисниците на дрога во Софија, а во 2006 година, и вториот, во ромска заедница. Во 2008 година, започнавме со метадонска програма во еден од центрите.

Едукацијата на стручни лица и истражувачките активности се исто така важен дел од активностите на IHF. Фондацијата реализираше/учествуваше во девет истражувачки проекти за профилот, однесувањето и потребите на целните групи, благодарение на единствениот и широк пристап до корисници на дрога кои не се згрижени во институции од каков било тип. Едукативните, заложбените и истражувачките работи се преточени во најразлични публикации.

IHF учествуваше во неколку меѓународни проекти, со предимно европски фокус. Членка е на две меѓународни мрежи: Евроазиска Мрежа за Намалување на Штети и Европската Мрежа за Социјална Инклузија и Здравствена Корелација. Организацијата соработува со бројни Европски партнери кои работат на полето на ХИВ превенција и грижа, користење на дрога, сексуална работа и ромски заедници.

Во Бугарија IHF е членка на Националното Координативно Тело за ХИВ/СИДА.